Sólarkaffi selt í Samkaupum föstudag og laugardag 12 og 13 febrúar 2010

Sólarkaffi Lions.

Seyðfirðingar fagna komu sólar hinn 18. febrúar ár hvert. Bærinn er í skugga fagurra fjalla nærfellt 4 mánuði ársins, eða þriðjung ársins. Árum saman hefur verið siður hér í bæ að halda upp á sólarkomuna með því að halda veglegt kaffisamsæti, þar sem drukkið er gott kaffi og gjarnan boðið upp á rjómapönnukökur með. Þessi hátíðarstund nefnist Sólarkaffi.

Frá árinu 2007 hefur Lionsklúbbur Seyðisfjarðar látið framleið fyrir sig sérvalið kaffi, sem nefnt er Sólar-kaffi og kemur á markað um það leyti er sést til sólar á ný.

Kaffibaunirnar í þessa himnesku blöndu koma frá Eþíópíu og Colombíu. Eþíópía er upprunaland kaffisins og er kaffið í Sólarkaffi Lions frá Sidamo sem er hérað í suður Eþíópíu. Kaffið er mjög bragðmikið með seiðandi ávaxta-, berja- og súkkulaðikeim og er mjög eftirsótt af sælkerum. Til að fullkomna þessa frábæru Sólarkaffiblöndu notum við sérvaldar baunir frá Colombíu, sem gefur blöndunni ilm og ferskleika. Sólarkaffi Lions setur sólarbrag á hverja stund dagsins.

Lionsklúbbur Seyðisfjarðar.

Næstu verkefni á döfinni hjá Lionsklúbbnum

Næstu verkefni hjá Lionsklúbbnum eru útgáfa símaskrár og um páskana er hið vinsæla Páskabingó og blómasala.  Bæjarbúar eru beðnir um að tilkynna breytingar á símanúmerum og örðum upplýsingum í símaskrá Lions.  Sérstakir kassar fyrir tilkynningar í símaskrána eru í Samkaupum og Shellskálanum.

Helstu verkefni sem klúbburinn sinnir reglulega

Klúbburinn hefur með starfi sínu styrkt Heilbrigðisstofnun Seyðisfjarðar í gegnum árin. Hefur hann safnað fyrir ýmsum búnaði til að bæta aðbúnað sjúklinganna og starfsumhverfi starfsfólks.  Núna á síðustu árum hefur þetta starf verið í góðri samvinnu við Hollvinasamtök Heilbrigðisstofnunarinnar á Seyðisfirði.Klúbburinn hefur einnig leitast við að sinna forvarnarstarfi, svo sem með því að kaupa útvarpsstöðina sem bæjarbúar njóta góðs af enn í dag.  Önnur regluleg verkefni eru unglingaskipti, blóðsykurmælingar meðal almennings og jólatrésskemmtun barna.  Klúbburinn hefur einnig stutt við starf íþróttafélags fatlaðra frá upphafi.Klúbburinn er með ýmis fjáröflunarverkefni, svo sem útgáfu símaskrár, páskabingó og blómasölu.  Einnig er sala á hinu rómaða sólarkaffi orðinn fastur liður í starfi klúbbsins. 

 

Kveðja að handan frá Hjálmari J. Níelssyni.

Formaður sendi eftirfarandi og ákvað fjölmiðlafulltrúi að birta á vefsíðu klúbbsins:

Lionsklúbbur Seyðisfjarðar 40 ára.Samantekt úr sögu Klúbbsins.Saga Klúbbsins er samofin rekstri Sjúkrahúss Seyðisfjarðar eða svo er að sjá við yfirferð gagna og kannski skiljanlegt þar sem Seyðisfjarðarkaupstaður var lengst af eigandi stofnunarinnar og sú staðreynd að læknar Seyðfirðinga hafa ávalt verið meðlimir Klúbbsins og eins var um sjúkrahússráðsmanninn. Það liðu tæp þrjú ár frá stofnun Klúbbsins er fyrst var samþykkt að gefa Sjúkrahúsinu fæðingarrúm. Svo komu augnskoðunartæki, hjartalínuritar, Skurðstofulampi, o.fl. o.fl.   Mér telst til að frá stofnun Klúbbsins fram að mintbreytingu um áramótin 1980-1981, hafi Klúbburinn gefið Sjúkrahúsinu rúmar þrjár miljónir króna til tækjakaupa.  Á þessu sama tímabili reisti Klúbburinn hús í námunda við Gamla-sjúkrahúsið. Það var síðar selt Hafnarsjóði Seyðisfjarðar og flutt niður á höfn. Húsið var selt á kr. 300.000,- og skyldi notað við afgreiðslu “Smyrils” og líka sem lögreglustöð.  Það fauk svo á haf út í ofsaveðri 1. des. 1980. sem betur fer var þar enginn inni fremur venju !!!   Ritun annáls var tekin upp 1973 og fáni Klúbbsins var gerður 1974.   Svo er rétt að geta þess að Klúbburinn tók þátt í spurningakeppni U.Í.A. og tapaði með glæsibrag.   Í febrúar 1981 var gefið út fréttablað. Í það má sækja margan fróðleik um Klúbbinn og hreyfinguna og er þar einnig að finna gamanmál, svo sem: Sekt er sögð skattur fyrir að gera eitthvað illa, en tekjuskattur fyrir að gera eitthvað vel. Og svo þessi: Hvaðan fékkstu þetta fallega rauða hár? Var lítil stúlka spurð.  Hún svaraði: Ég hlýt að hafa fengið það frá pabba. Mamma er með allt sitt. Þið megið ekki skilja mig svo að engir aðrir  en SjúkrahúsSeyðisfjarðar hafi notið styrkja Klúbbsins. Ég hlýt að nefna til dæmis Vonarland, Hjálparstofnun kirkjunnar, svo og einstaklinga og félagasamtök.   1988 var farin ferð til Danmerkur og Noregs,(þar lét ég véla mig í Klúbbinn).   Þess má geta að á tímabilinu frá  mintbreytingu til dagsins í dag mun Klúbburinn hafa gefið Sjúkrahúsinu fjórar og hálfa miljón króna til tækjakaupa.   Mér leyfist ekki að fara með fleiri tölur en vil geta þess að fleiri voru styrkþegarnir.  Nú hoppa ég inn í árið 1999. 456. fundur Lkl.Seyðisfjarðar var sameiginlegur með Lkl.”Múla” í Valaskjálf og var talinn vellukkaður og þakkaði félagi Jón Guðmundsson fyrir sig og Lkl. Seyðisfjarðar með eftirfarandi vísu:             

Ágætlega er það meint/að okkar Klúbbar saman blóti./ Mér finnst samt ganga frekar seint/að fjölga okkur með þessu móti.

Fyrst ég er farinn að tala um vísnagerð innan Klúbbsins og jafnvel utan er best að ég fari með aðra vísu eftir sama Jón.En hann og Lárus sýslumaður voru kokkar fyrir fund 18.nóvember 1999. Þeir voru með djúpsteiktar gellur frá Gullbergi h/f einnig hvítvín og koníak frá Glóbusi. Og Jón sagði:     

Ég bið ykkur að hafa ekki hátt./ Hér fer margt á betri veg. / Elda saman silfur grátt/sýslumaðurinn og ég.

Á sama fundi þótti ritara Klúbbsins siðameistari (Grétar) sinna embætti sínu af full miklum krafti og las honum starfslýsingu siðameistara, en Jón skaut inn  í lýsinguna vísu svo hljóðandi:               

Grétar heldur uppi aga/ eins og honum ber að gera./ Kelar hann við Klúbbfélaga /kanski meira en ætti að vera.

Þá fannst Lárusi komið að sér að gera athugasemd og gerði þessa limru:  

Þó kastist í kögla og kekki/ og Jón köggul þekki ég ekki./ Þá er Jón köggull góður/ þó hann sé half-óður /     Ég elsk´ann sem Lions-bróður.

18.nóvember 2000 afhenti Forseti Íslands Gunnari Sverrissyni kr. 400.000,- og tók hann á móti þeim fyri hönd Lkl.Seyðisfjarðar og Lkl.”Múla”. Þessir peningar voru úr Rauðu-fjaðrar söfnun.16. desember 2000 komu meðlimir “Múla- og Seyðisfjarðarklúbbanna saman í Félagsheimilinu “Herðubreið til afmælisfagnaðar og buðu fulltrúum HeilbrigðisstofnunarAusturlands og voru þeim afheltir peningarnir fyrrnefndu og einnig fór fram afhending á hjartalínurita og öndunarmæli.  Síðan var matast o.fl.   Ég verð að fá að minnast á annað sameiginlegt verkefni “Múla” og Seyðfirðinga, en það er Ljósleiðara-leitartæki sem afhent var tollgæslunni í umdæmi Sýslumanns á Seyðisfirði til notkunar við ferjuafgreiðslu á Seyðisfirði og flugafgreiðslu á Egilsstöðum. Það kostaði kr. 300.000,-  Ég bara þori ekki að hafa þetta lengra og kveð með vísumeftir kunningja minn Eðvarð Sturluson frá Súganda:                                                        

 Ég held að safnist saman í eitt/svolítil snobbklíka af vinum/með þá göfugu hugsjón að gefa ekki neitt /         en ganga í vasann á hinum.                              

 Þeir berja á dyrnar,/menn fá engan frið/ og férúa hvern inn að skinni./ Í þessu verð ég að leggja þeim lið/      og læt þetta nægja að sinni.

Gert fyrir afmælisfund í Svartaskógi 7. maí 2005.  (Hjálmar J. Níessson).

 

Jólatrésskemmtun þriðjudaginn 29. desember kl.15-17 í Herðubreið.

Boð bárust um það frá boðara vorum Jóhanni Grétari Einarssyni að sækja skyldi jólatré. Þeir sem hyggðu á þátttöku skyldu tilkynna sig til Snorra Jónssonar formanns. Eins og flestum er kunnugt eru jólatré fyrir kirkjuna og jólaballið sótt í Múlalund á Héraði. Þá liggur fyrir að jólaballið í ár verður haldið þriðjudaginn 29. desember n.k. á milli kl. 15 og 17. Félagsmenn mæti í Herðubreið að kvöldi þess 28. desember kl.20.00 til að undirbúa salinn og gera klárt fyrir jólatrésskemmtunina. Mætum svo öll hress og kát á jólaballið með bros á vör. Miðaverð er kr.500.

Ókeypis blóðsykurmælingar í Samkaup/Strax laugardaginn 5. desember 2009.

Lionsklúbbur Seyðisfjarðar í samstarfi við HSA stendur fyrir blóðsykurmælingum í Samkaup/Strax, Seyðisfirði, laugardaginn 5. desember á milli kl.14.30 og 16.00. Öllum er velkomið að láta mæla hjá sér blóðsykurinn. Sykursýki 2 er örtvaxandi heilbrigðisvandamál um allan heim og er ómeðhöndluð sykursýki hættulegur sjúkdómur sem m.a. getur skemmt taugar og æðakerfi með ófyrirséðum afleiðingum. Hins vegar er hægt að meðhöndla sykursýki 2 með réttu mataræði og þyngdarstjórnun ef hún uppgötvast snemma og sömuleiðis eru til lyf við mjög háum blóðsykri. Loks eru ýmsar lausnir til með insulingjöfum ef um mjög svæsin tilfelli sykursýki 2 er að ræða. Látið því ekki hjá líða að mæla blóðsykurinn. Þetta samstarf Lions og HSA hefur leitt til þess að uppgötvast hefur um sykursýki á byrjunarstigi hjá fólki og er það mikilvægt í baráttunni við sjúkdóminn.  

Nýjar myndir í myndasafni.

Enn fleiri myndir í myndasafni. Njótið.

Erindi um fjallkonuna á Vestdalsheiði

Álfhildur Haraldsdóttir

Á fundi í Lionsklúbbi Seyðisfjarðar að kvöldi fimmtudagsins 19. nóvember var afhjúpuð mynd af fjallkonunni sem fannst á Vestdalsheiði á dögunum. Myndin er unnin með aðstoð að handan og byggð á upplýsingum frá Þjóðminjasafni um búninga manna til forna. Gunnar Sverrisson kynnti rannsóknarvinnu sem unnin hefur verið af honum, vinnufélögum hans og félögum úr Gönguklúbbi Seyðisfjarðar til að reyna að nálgast skýringar á ferðum konunnar sem varð úti á Vestdalsheiði einhvern tíma á tímabilinu frá 900-950 eftir því sem næst verður komist. Var erindi hans einstaklega athyglisvert og skemmtilegt.

Félagatal uppfært miðað við 3. mars 2011.

	Nafn	Heima	Vinna	GSM	Netfang
1	Adolf Guðmundsson	472-1339	472-1402	892-8199	[e-mail]
2	Andri Borgþórsson	553-3767	569-1726	896-4741
3	Árni Elísson	472-1556	569-1725	8980549
4	Birgir Hallvarðsson				Heiðursfélagi
5	Bragi Blumenstein	697-6994
6	Brynjar Skúlason	565-9429		868-4291
7	Garðar Eymundsson	472-114		8632385
8	Guðni Sigmundsson	472-1585		861-7752
9	Guðni Hjörtur Sigurðsson		472-1700
10	Gunnar Sverrisson	472-1189	472-1247	894-4609	[e-mail]
11	Helgi Haraldsson	472-1128		896-1128	[e-mail]
12	Jóhann Freyr Aðalsteinsson (Auka.fél)	472-1556			Erlendis
13	Jóhann Grétar Einarsson	472-1110	472-1101	853-2783	[e-mail]
14	Jón Guðmundsson	472-1197	896-0710	896-0710
15	Jón Halldór Guðmundsson	472-1136	470-2102	895-1136	[e-mail]
16	Kári Gunnlaugsson	552-3720		868-8197
17	Kristinn B. Valdimarsson	472-1412		868-7563
18	Lárus Bjarnason	472-1369	470-2101	848-4065	[e-mail]
19	Óla B. Magnúsdóttir	472-1217	470-2100	862-2990	[e-mail]
20	Ólafur Þór Leifsson (aukafél.)			892-1516
21	Ólafur Örn Pétursson	472-1106		861-7008
22	Ómar Bogason	472-1144	472-1195	860-2121	[e-mail]
23	Rúnar L. Sveinsson	472-1606	472-1743
24	Rúnar S. Reynisson	472-1445	472-1406	854-7876	[e-mail]
25	Sigurður Jónsson	472-1442	472-1771	892-5701	[e-mail]
26	Sigurður Valdimarsson	861-7793	472-1111	861-7793
27	Snorri Jónsson	472-1141	472-1336	864-4242	[e-mail]
28	Unnar I. Jósepsson	472-1170		867-4428
29	Unnar Sveinlaussson	472-1790		845-0476
30	Vilbergur Sveinbjörnsson	472-1319		855-3319
31	Vífill Friðþjófsson	472-1115
32	Þorvaldur Jóhannsson	472-1293	472-1690	894-5493	[e-mail]
34	Örvar Jóhannsson	472-1435		848-8464	[e-mail]

Fundur fimmtudaginn 19. nóvember 2009. Sex nýir félagar á skömmum tíma

Í kvöld fimmtudaginn 19. nóvember verður fundur haldinn í Öldutúni, Seyðisfirði,   og hefst hann kl.19.00 að venju. Á sérstökum hátíðarfundi í golfskálanum fimmtudaginn 1. október s.l. voru teknir inn 2 nýir félagar og á síðasta fundi hinn 5. nóvember var tekinn inn einn nýr félagi. Í kvöld verða síðan  teknir inn 3 nýir félagar. Ef mér bregst ekki reikningslistin þá er þetta viðbót upp á 6 félaga. Hér er því stigið mikilvægt skref í átt að endurnýjun Lionsklúbbs Seyðisfjaðrar en félagar hafa verið að eldast án þess að eðlileg endurnýjun hafi átt sér stað. Við horfum því björtum augum til framtíðar nú þegar við fáum unga og eldhressa félaga inn í klúbbinn.

LB, fjölmiðlaftr.