Formanni færð gjöf.

Á fundi Lionsklúbbs  Seyðisfjarðar kvaddi sér hljóðs siðameistari klúbbsins og færði Adolfi Guðmundssyni formanni Lionsklúbbsins gjöf. Málavextir eru þeir að þegar klúbbfélagar fréttu að Adolf hefði gefið kost á sér sem formaður LÍÚ tilkynnti Þorvaldur siðameistari að hann myndi þegar í stað hefja söfnun í kosningasjóð Adolfs.   Enda er það svo að  Adolf á sér bakhjarl í Lionsklúbbnum okkar.

Málið þróuðust hins vegar svo, að þegar aðrir, sem hugðust berjast við Adolf um formannsstólinn, fréttu af öflugum stuðningi Adolfs, féllu þeir frá framboði sínu.

Adolf varð því sjálfkjörinn, enda vel að embættinu kominn.

Þorvaldur færði honum hins vegar glaðning í kvöld. Það voru nokkrir hlutir, meðal annars; hreindýrshorn sem eru tákn Austurlands.

Þá fékk hann dúkku af verkamanni með hamar og evrur í poka, sem eru tákn um þá umræðu sem snertir hagsmuni atvinnulífisins af upptöku evru og inngöngu í ESB. Einnig voru í gjöfinni ferðatannbursti og ullarhosur, sem eflaust koma sér vel.

Með öllu þessu fylgja árnaðaróskir frá siðameistara og öllum klúbbnum Adolfi til handa.

Sjá myndir í myndaalbúmi.