Hvað er á döfinni hjá klúbbnum?

Lionsklúbbur Seyðisfjarðar heldur jólaball fyrir smáfólkið á staðnum. Þar koma jólasveinarnir úr Bjólfinum, syngja með börnunum, ganga í kring um jólatré, sem Lionsmenn sækja til félaga sinna í Lionsklúbbnum Múla og gefa svo litlu krílunum jólagjafir. Lions hefur séð um að útvega tónlistarmenn til að syngja og spila á píanó við þetta tækifæri og sömuleiðis hafa þeir (eða miklufrekar makar þeirra) bakað skúffukökur og pönsur og annað góðgæti til að hafa á boðstólum. Jólatrésskemmtunin hefur almennt mælst vel fyrir og er reynt eftir fremsta megni að láta hana lenda á laugardegi á milli jóla og nýárs.

Sólarkaffi. Lionsklúbburinn á Seyðisfirði sótti um og á einkaleyfi á heitinu sólarkaffi. Er sérstaklega flutt inn og brennt og malað kaffi frá Brasilíu fyrir kúbbinn og pakkað inn í sérhannaða kaffipakka sem klúbburinn hefur einkaleyfi á. Þessa kaffipakka hefur klúbburinn selt í hús undanfarin ár þegar sól tekur að hækka á lofti við góðar undirtektir bæjarbúa. Þá hafa fyrirtæki í bænum einnig verið dugleg við að kaupa kaffi af kúbbnum. 

Ýmis verkefni eru fyrirhuguð á nýja árinu og verður ritað meira um það síðar. Það er gaman og gefandi að vera í Lions. 

Fjölmiðlafulltrúinn.